فرحت عباس شاہ

دیکھ لینا کہ کسی دُکھ کی کہانی تو نہیں

یہ جو آنسو ہیں، کہیں اُس کی نشانی تو نہیں

دِکھ رہی ہے جو مُجھے صاف تیری آنکھوں میں

تُو نے یہ بات کہیں مُجھ سے چُھپانی تو نہیں

جانتا ہوں کہ سرابوں میں گھرا ہوں یارو

دوڑ پڑتا ہوں مگر پھر بھی کہ پانی تو نہیں

جس طرح شہر سے نکلا ہوں میں بیمار ترا

یہ اُجڑنا ہے، کوئی نقل مکانی تو نہیں

اُس نے چاہا ہے مُجھے اپنے خُدا سے بڑھ کر

میں نے یہ بات زمانے کو بتانی تو نہیں

یہ جو ہر موڑ پہ آ ملتی ہے مُجھ سے فرحت

بدنصیبی بھی کہیں میری دیوانی تو نہیں

Read More

کشور ناہید

ہم کہ مغلوبِ گماں تھے پہلے

پھر وہیں ہیں کہ جہاں تھے پہلے

خواہشیں جھریاں بن کرابھریں

زخم سینے میں نہاں تھے پہلے

اب تو ہر بات پہ رو دیتے ہیں

واقفِ سود و زیاں تھے پہلے

دل سے جیسے کوئی کانٹا نکلا

اشک آنکھوں سے رواں تھے پہلے

اب فقط انجمن آرائی ہیں

اعتبارِ دل و جاں تھے پہلے

دوش پہ سر ہے کہ ہے برف جمی

ہم تو شعلوں کی زباں تھے پہلے

اب تو ہر تازہ ستم ہے تسلیم

حادثے دل پہ گراں تھے پہلے

میری ہمزاد ہے تنہائی میری

ایسے رشتے بھی کہاں تھے پہلے

Read More

شہزاد قیس

بہار ، شانِ چمن ہے ، وَقار ہے تتلی

بہار کہتی ہے ’’اُوں ہُوں بہار ہے تتلی‘‘

گُلوں کی دید سے ہے خوشگوار رَنگِ چمن

نگاہِ گُل کے لیے خوشگوار ہے تتلی

یہ چومتی نہیں ، گُل اُنگلیوں پہ گنتی ہے

حسین پھولوں کی مردُم شمار ہے تتلی

چمن میں غیر مناسِب مَناظِر اَپنی جگہ

کمالِ ذوق کا اِک شاہکار ہے تتلی

عُدو کو پھول کے بھٹکا کے دُور لے جائے

حسین غنچوں کا دِلکش حِصار ہے تتلی

ذِرا بھی کرتی نہیں اِنحراف فطرت سے

بہشتی پھول ہے ، پرہیز گار ہے تتلی

پروں پہ تتلی کے شہباز واہ واہ کرے

سفید مورنی کا اِفتخار ہے تتلی

جو اِس کو دیکھ لیں دِل باغ کو مچلتا ہے

چمن کا اُڑتا ہُوا اِشتہار ہے تتلی

گُلوں سے گوریاں ، گورے بدن میں رَنگ بھریں

گُلوں کے رُوپ کو سولہ سنگھار ہے تتلی

یہ حُسنِ زَن تو بہت بعد آنکھ کو بھایا

حُضور یاد کریں پہلا پیار ہے تتلی

جو نوچ لیتے ہیں پر زِندہ تتلیوں کے قیسؔ

اے کاش سوچتے کہ جاندار ہے تتلی

Read More

ﺍﻣﺮﺗﺎ ﭘﺮﯾﺘﻢ

"ﻣﯿﮟ ﺗﯿﻨﻮﮞ ﻓﯿﺮ ﻣﻼﮞ ﮔﯽ"

ﻣﯿﮟ ﺗﯿﻨﻮﮞ ﻓﯿﺮ ﻣﻼﮞ ﮔﯽ

ﮐِﺘﮭﮯ؟ ﮐﺲ ﻃﺮﺡ؟ ﭘﺘﺎ ﻧﮩﯿﮟ

ﺷﺎﯾﺪ ﺗﯿﺮﮮ ﺗﺨﯿﻞ ﺩﯼ ﭼﮭﻨﮏ ﺑﻦ ﮐﮯ 

ﺗﯿﺮﮮ ﮐﯿﻨﻮﺱ ﺗﮯ ﺍﺗﺮﺍﮞ ﮔﯽ

ﯾﺎ ﮨﻮﺭﮮ ﺗﯿﺮﮮ ﮐﯿﻨﻮﺱ ﺩﮮ ﺍُﺗﮯ

ﺍﮎ ﺭﮨﺴﻤﺌﯽ ﻟﮑﯿﺮ ﺑﻦ ﮐﮯ 

ﺧﺎﻣﻮﺵ ﺗﯿﻨﻮﮞ ﺗﮑﺪﯼ ﺭﻭﺍﮞ ﮔﯽ

ﯾﺎ ﮨﻮﺭﮮﺳﻮﺭﺝ ﺩﯼ ﻟﻮ ﺑﻦ ﮐﮯ

ﺗﯿﺮﮮ ﺭﻧﮕﺎﮞ ﺍﭺ ﮔﮭُﻼ ﮔﯽ 

ﯾﺎ ﺭﻧﮕﺎﮞ ﺩﯾﺎﮞ ﺑﺎﮨﻨﻮﺍﮞ ﺍﭺ ﺑﯿﭩﮫ ﮐﮯ 

ﺗﯿﺮﮮ ﮐﯿﻨﻮﺱ ﻧﻮ ﻭﻻﮞ ﮔﯽ

ﭘﺘﺎ ﻧﺌﯿﮟ ﮐﺲ ﻃﺮﺡ، ﮐﺘﮭﮯ

ﭘﺮ ﺗﯿﻨﻮﮞ ﺿﺮﻭﺭ ﻣﻼﮞ ﮔﯽ

ﯾﺎ ﮨﻮﺭﮮ ﺍﮎ ﭼﺸﻤﮧ ﺑﻨﯽ ﮨﻮﻭﺍﮞ ﮔﯽ

ﺗﮯ ﺟﯿﻮﯾﮟ ﺟﮭﺮﻧﯿﺎﮞ ﺩﺍ ﭘﺎﻧﯽ ﺍﮈ ﺩﺍ

ﻣﯿﮟ ﭘﺎﻧﯽ ﺩﯾﺎﮞﺑُﻮﻧﺪﺍﮞ

ﺗﯿﺮﮮ ﭘﻨﮉﮮ ﺗﮯ ﻣَﻼﮞ ﮔﯽ ﺗﮯ 

ﺍﮎ ﭨﮭﻨﮉﮎ ﺟﺌﯽ ﺑﻦ ﮐﮯ ﺗﯿﺮﯼ 

ﭼﮭﺎﺗﯽ ﺩﮮ ﻧﺎﻝ ﻟﮕﺎﮞ ﮔﯽ

ﻣﯿﮟ ﮨﻮﺭ ﮐﺞ ﻧﺌﯿﮟ ﺟﺎﻧﺪﯼ ﭘﺮ 

ﺍﯾﻨﺎ ﺟﺎﻧﺪﯼ ﺁﮞ ﮐﮧ

ﻭﻗﺖ ﺟﻮ ﻭﯼ ﮐﺮﮮ ﮔﺎ 

ﺍﮮ ﺟﻨﻢ ﻣﯿﺮﮮ ﻧﺎﻝ ﭨُﺮﮮ ﮔﺎ 

ﺍﮮ ﺟﺴﻢ ﻣُﮑﺪﺍ ﺍﮮ

ﺗﮯ ﺳﺐ ﮐﺞ ﻣُﮏ ﺟﺎﻧﺪﺍ 

ﭘﺮ ﭼﯿﺘﯿﺎﮞ ﺩﮮ ﺗﺎﮔﮯ

ﮐﺎﺋﻨﺎﺗﯽ ﮐﻨﺎ ﺩﮮ ﮨﻮﻧﺪﮮ 

ﻣﯿﮟ ﺍﻧﮩﺎﮞ ﮐﻨﺎ ﻧﻮ ﭼﻨﺎﮞ ﮔﯽ

ﺗﺎﮔﯿﺎﮞ ﻧﻮ ﻭﻻﮞ ﮔﯽ

ﺗﮯ ﺗﯿﻨﻮﮞ ﻣﯿﮟ ﻓﯿﺮ ﻣﻼﮞ ﮔﯽ 

Read More

نصیر ترابی

وہ ہمسفر تھا مگر اس سے ہمنوائی نہ تھی

کہ دھوپ چھاؤں کا عالم رہا جدائی نہ تھی

عداوتیں تھیں تغافل تھا رنجشیں تھیں مگر

بچھڑنے والے میں سب کچھ تھا بیوفائی نہ تھی

بچھڑتے وقت اُن آنکھوں میں تھی ہماری غزل

غزل بھی وہ جو کسی کو ابھی سنائی نہ تھی

ترک تعلقات پہ رویا نہ تو نہ میں

لیکن یہ کیا کہ چین سے سویا نہ تو نہ میں

کبھی یہ حال کہ دونوں میں یک دلی تھی بہت

کبھی یہ مرحلہ کہ آشنائی نہ تھی

نہ اپنا رنج نہ اپنا دکھ نہ اوروں کا ملال

شب فراق کبھی ہم نے یوں گنوائی نہ تھی

محبتوں کا سفر کبھی اس طرح بھی گزارا نہ تھا

شکستہ دل تھے مسافر شکستہ پائی نہ تھی

عجیب ہوتی ہے راہ سخن بھی دیکھ نصیر

وہاں بھی آگئے آخر جہاں رسائی نہ تھی

Read More

جوش ملیح آبادی

ملا جو موقع تو روک دوں گا جلال روزِ حساب تیرا

پڑھوں گا رحمت کا وہ قصیدہ کہ ہنس پڑے گا عتاب تیرا

یہی تو ہیں دو ستُونِ محکم انہی پہ قائم ہے نظمِ عالم

یہی تو ہے رازِ خُلد و آدم ،نگاہ میری، شباب تیرا

صبا تصدّق ترےنفس پر ،چمن ترے پیرہن پہ قرباں

شمیمِ دوشیزگی میں کیسا بسا ہوا ہے شباب تیرا

تمام محفل کے رو برو ،گو اُٹھائیں نظریں، ملائیں آنکھیں

سمجھ سکا ایک بھی نہ لیکن، سوال میرا، جواب تیرا

ہزار شاخیں ادا سے لچکیں ، ہوا نہ تیرا سا لوچ پیدا

شفق نے کتنے ہی رنگ بدلے، ملا نہ رنگِ شباب تیرا

اِدھر مرا دل تڑپ رہا ہے، تری جوانی کی جستجو میں

اُدھر مرے دل کی آرزو میں مچل رہا ہے شباب تیرا

کرے گی دونوں کا چاک پردہ، رہے گا دونوں کو کر کے رُسوا

یہ شورشِ ذوقِ دید میری ،یہ اہتمامِ حجاب تیرا

جڑیں پہاڑوں کی ٹوٹ جاتیں، فلک تو کیا، عرش کانپ اُٹھتا

اگر میں دل پر نہ روک لیتا تمام زورِ شباب تیرا

بھلا ہوا جوش نے ہٹایا نگاہ کا چشمِ تر سے پردہ



سوزِ غم دے کے مجھے اس نے یہ ارشاد کیا 
جا تجھے کشمکشِ دہر سے آزاد کیا 
وہ کریں بھی تو کن الفاظ میں تیرا شکوہ 
جن کو تیری نگہِ لطف نے برباد کیا 
دل کی چوٹوں نے کبھی چین سے رہنے نہ دیا 
جب چلی سرد ہوا، میں نے تجھے یاد کیا
اے میں سو جان سے اس طرزِ تکلّم کے نثار
پھر تو فرمائیے، کیا آپ نے ارشاد کیا
اس کا رونا نہیں کیوں تم نے کیا دل برباد
اس کا غم ہے کہ بہت دیر میں برباد کیا
اتنا مانوس ہوں فطرت سے، کلی جب چٹکی
جھک کے میں نے یہ کہا، مجھ سے کچھ ارشاد کیا
مجھ کو تو ہوش نہیں تم کو خبر ہو شاید
لوگ کہتے ہیں کہ تم نے مجھے برباد کیا




مخلوق کو دیوانہ بنائے ہوئے مُردے
یاروں کے دماغوں کو چرائے ہوئے مردے
اوہام کے طوفان اُٹھائے ہوئے مُردے
عقلوں کو مزاروں پہ چڑھائے ہوئے مُردے
آفاق کو سرپر ہیں اُٹھائے ہوئے مُردے
دیکھو کہ ہیں کیا دھوم مچائے ہوئے مُردے
زندوں کا یہاں کوئی طلبگار نہیں ہے
زندوں کا یہاں کوئی مونس وغمخوار نہیں ہے
ایک فرد بھی، زندوں کا خریدار نہیں ہے
زندوں سے ہمیں کوئی سروکار نہیں ہے
ہم تو کلیجوں سے لگائے ہوئے مُردے
دیکھو کہ ہیں کیا دھوم مچائے ہوئے مُردے
پہنے ہوئے بوسیدہ روایات کا چوغا
باندھے ہوئے داؤد کی تانوں کا عمامہ
بغلوں میں دبائے ہوئے اقوال کا سونٹا
رقصیدہ ہیں لوبان جلائے ہوئے مُردے
دیکھو کہ ہیں کیا دھوم مچائے ہوئے مُردے
جوشؔ ملیح آبادی

Read More

شعیب تنویر

مجھے کیوں نہ آوے ساقی نظر آفتاب الٹا

کہ پڑا ہے آج خُم میں قدحِ شراب الٹا

عجب الٹے ملک کے ہیں اجی آپ بھی کہ تُم سے

کبھی بات کی جو سیدھی تو ملا جواب الٹا

چلے تھے حرم کو رہ میں، ہوئے اک صنم کے عاشق

نہ ہوا ثواب حاصل، یہ ملا عذاب الٹا

یہ شب گذشتہ دیکھا کہ وہ خفا سے کچھ ہیں گویا

کہیں حق کرے کہ ہووے یہ ہمارا خواب الٹا

یہ عجیب ماجرا ہے کہ بروزِ عیدِ قرباں

وہی ذبح بھی کرے ہے، وہی لے ثواب الٹا

کھڑے چُپ ہو دیکھتے کیا، مرے دل اجڑ گئے کو

وہ گنہہ تو کہہ دو جس سے یہ وہ خراب الٹا

غزل اور قافیوں میں نہ کہے سو کیونکے انشا

کہ ہوا نے خود بخود آ، ورقِ کتاب الٹا

Read More

انشا اللہ خان انشا

مجھے کیوں نہ آوے ساقی نظر آفتاب الٹا

کہ پڑا ہے آج خُم میں قدحِ شراب الٹا

عجب الٹے ملک کے ہیں اجی آپ بھی کہ تُم سے

کبھی بات کی جو سیدھی تو ملا جواب الٹا

چلے تھے حرم کو رہ میں، ہوئے اک صنم کے عاشق

نہ ہوا ثواب حاصل، یہ ملا عذاب الٹا

یہ شب گذشتہ دیکھا کہ وہ خفا سے کچھ ہیں گویا

کہیں حق کرے کہ ہووے یہ ہمارا خواب الٹا

یہ عجیب ماجرا ہے کہ بروزِ عیدِ قرباں

وہی ذبح بھی کرے ہے، وہی لے ثواب الٹا

کھڑے چُپ ہو دیکھتے کیا، مرے دل اجڑ گئے کو

وہ گنہہ تو کہہ دو جس سے یہ وہ خراب الٹا

غزل اور قافیوں میں نہ کہے سو کیونکے انشا

کہ ہوا نے خود بخود آ، ورقِ کتاب الٹا




چشم و ادا و غمزہ، شوخی و ناز، پانچوں
دُشمن ہیں میرے جی کے، بندہ نواز! پانچوں
.
کیا رنگِ زرد و گریہ ، کیا ضعف و درد و افغاں
افشا کریں ہیں مِل کر میرا یہ راز، پانچوں
.
نارِ فراق سے ہے، جوں شمع، دِل کو ہر شب
احراق و داغ و گریہ ، سوز و گداز، پانچوں
.
دیکھا ہے جب سے تجھ کو، چھوڑا ہے زاہدوں نے
تقویٰ و ذکر و زہد و صوم و نماز، پانچوں
.
آرام و صبر و طاقت ہوش و حیا کہاں پھر
لے ساتھ دل کے یہ بھی، اے عشوہ ساز، پانچوں
.
فرہاد و قیس و وامق، محمود و ماہ رُو بھی
رکھ بار مجھ پہ سوویں، ہوں پا دراز، پانچوں
.
ہیں تیرے در پہ آ کر ہر ایک سر بسجدہ
لیلیٰ و مہر و عذرا، شیریں، ایاز، پانچوں
.
مت پُوچھ کارِ انشا ہجر و وصال میں کچھ
صبر و جنون و وحشت ،عجز و نیاز، پانچوں

Read More

ناصر کاظمی

پھر ساون رت کی پون چلی تم یاد آئے

پھر پتوں کی پازیب بجی تم یاد آئے

پھر کونجیں بولیں گھاس کے ہرے سمندر میں

رت آئی پیلے پھولوں کی تم یاد آئے

پھر کاگا بولا گھر کے سونے آنگن میں

پھر امرت رس کی بوند پڑی تم یاد آئے

پہلے تو میں چیخ کے رویا اور پھر ہنسنے لگا

بادل گرجا بجلی چمکی تم یاد آئے

دن بھر تو میں دنیا کے دھندوں میں کھویا رہا

جب دیواروں سے دھوپ ڈھلی تم یاد آئے

ناصر کاظمی 



پتّھر کا وہ شہر بھی کیا تھا
شہر کے نیچے شہر بسا تھا

پیڑ بھی پتّھر، پُھول بھی پتّھر
پتّا پتّا پتّھر کا تھا

چاند بھی پتّھر، جھیل بھی پتّھر
پانی بھی پتّھر لگتا تھا

لوگ بھی سارے پتّھر کے تھے
رنگ بھی اُن کا پتّھر سا تھا

پتّھر کا اک سانپ سنہرا
کالے پتّھر سے لپٹا تھا

پتّھر کی اندھی گلیوں میں
میں تجھے ساتھ لیے پھرتا تھا

گونگی وادی گُونج اُٹھتی تھی
جب کوئی پتّھر گِرتا تھا

ناصر کاظمی 

Read More

کلیم عثمانی

رات پھیلی ہے تیرے ، سرمئی آنچل کی طرح 

چاند نکلا ہے تجھے ڈھونڈنے ، پاگل کی طرح 

خشک پتوں کی طرح ، لوگ اُڑے جاتے ہیں 

شہر بھی اب تو نظر آتا ہے ، جنگل کی طرح 

پھر خیالوں میں ترے قُرب کی خوشبو جاگی

پھر برسنے لگی آنکھیں مری ، بادل کی طرح 

بے وفاؤں سے وفا کرکے ، گذاری ہے حیات 

میں برستا رہا ویرانوں میں ، بادل کی طرح 

Read More

عابد ملک

بڑے سکون سے افسردگی میں رہتا ہوں

میں اپنے سامنے والی گلی میں رہتا ہوں

مرے لئے بھی کوئی دوسرا ٹھکانہ نہیں

ترے لئے بھی تری گلی میں رہتا ہوں

بھلا ہو اچھے دنوں کا کہ مجھ سے دور رہے

نتیجتا" بڑی آسودگی میں رہتا ہوں

میں اب بھی دیکھتا رہتا ہوں راہ لوگوں کی

میں اب بھی حالتِ آشفتگی میں رہتا ہوں

Read More

انور مسعود

دُنیا بھی عجب قافلہِ تشنہ لباں ہے

ہر شخص سرابوں کے تعاقب میں رواں ہے

تنہا تری محفل میں نہیں ہوں کہ مرے ساتھ

اِک لذتِ پابندیِ اظہار و بیاں ہے

جو دل کے سمندر میں اُبھرتا ہے یقیں ہے

جو ذہن کے ساحل سے گزرتا ہے گُماں ہے

پُھولوں پہ گھٹاؤں کے تو سائے نہیں انور

آوارۂ گلزار نشیمن کا دُھواں ہے




بر سبیلِ تذکرہ اِک روز میڈم نے کہا
اپنے شوخ و شنگ اندازِ تکلم کے بغیر
میرا وعدہ ہے کہ گانا چھوڑ دوں گی میں اگر
مولوی تقریر فرمائے ترنم کے بغیر
____________________________

جو ہے اوروں کی وہی رائے ہماری بھی ہے
ایک ہو رائے سبھی کی، یہ کچھ آسان نہیں
لوگ کہتے ہیں فرشتہ ہیں جنابِ واعظ
ہم بھی کہتے تو یہی ہیں کہ وہ انسان نہیں

Read More

عبید اللہ علیم

بنا گلاب تو کانٹے چبُھا گیا اِک شخص

ہُوا چراغ تو گھر ہی جلا گیا اِک شخص

تمام رنگ مرے اور سارے خواب مرے

فسانہ تھے کہ فسانہ بنا گیا اِک شخص

میں کس ہَوا میں اڑوں کس فضا میں لہراؤں

دکھوں کے جال ہر اک سو بچھا گیا اِک شخص

پلٹ سکوں ہی نہ آگے ہی بڑھ سکوں جس پر

مجھے یہ کون سے رستے لگا گیا اِک شخص

محبّتیں بھی عجب اُس کی نفرتیں بھی کمال

مری ہی طرح کا مجھ میں سما گیا اِک شخص

محبّتوں نے کسے کی بھُلا رکھا تھا اُسے

ملے وہ زخم کہ پھر یاد آگیا اِک شخص

کھلا یہ راز کہ آئینہ خانہ ہے دنیا

اور اس میں مجھ کو تماشا بنا گیا اِک شخص

Read More

سلیم کوثر

خود کو کردار سے اوجھل نہیں ہونے دیتا

وہ کہانی کو مکمل نہیں ہونے دیتا

سنگ بھی پھینکتا رہتا ہے کہیں ساحل سے

اور پانی میں ہلچل نہیں ہونے دیتا

دھوپ بھی چھاؤں بھی رکھتا ہے سروں پر لیکن 

آسمان پر کبھی بادل نہیں ہونے دیتا 

روز ایک لہر اٹھا لاتا ہے بے خوابی میں

اور پلکوں کو کو بھی بوجھل نہیں ہونے دیتا 

پھول ہی پھول کہلاتا ہے سرِ شاخِ وجود

اور خوشبو کو مسلسل نہیں ہونے دیتا 

عالمِ ذات میں درویش بنا دیتا ہے 

عشق انسان کو پاگل نہیں ہونے دیتا 

Read More

حسن رضوی

جیسا جسے چاہا کبھی ویسا نہیں ہوتا

دنیا میں کوئی شخص بھی ایسا نہیں ہوتا

ملنے کو تو ملتے ہیں بہت لوگ جہاں میں

پر ان میں کوئی بھی تیرے جیسا نہیں ہوتا

دولت سے کبھی پیار کو تولا نہیں جاتا

معیار محبت کبھی پیسہ نہیں ہوتا

جینے کا مزا لیتے ہیں یوں تو سبھی یاں

لیکن یہ مزا پیار کی شے سا نہیں ہوتا

اک بار ہی ہوتا ہے حسن پیار کسی سے

یہ پیار کا نشہ کبھی مے سا نہیں ہوتا

Read More

میاں داد خان سیاح

قیس جنگل میں اکیلا ہے مجھے جانے دو

خوب گذرے گی جو مل بیٹھیں گے دیوانے دو

جاں بَلَب دیکھ کے مجھ کو مرے عیسیٰ نے کہا

لا دوا درد ہے یہ، کیا کروں، مر جانے دو

لال ڈورے تری آنکھوں میں جو دیکھے تو کھُلا

مئے گُل رنگ سے لبریز ہیں پیمانے دو

ٹھہرو! تیوری کو چڑھائے ہوئے جاتے ہو کدھر

دل کا صدقہ تو ابھی سر سے اتر جانے دو

منع کیوں کرتے ہو عشقِ بُتِ شیریں لب سے

کیا مزے کا ہے یہ غم دوستو غم کھانے دو

ہم بھی منزل پہ پہنچ جائیں گے مرتے کھپتے

قافلہ یاروں کا جاتا ہے اگر جانے دو

شمع و پروانہ نہ محفل میں ہوں باہم زنہار

شمع رُو نے مجھے بھیجے ہیں یہ پروانے دو

ایک عالم نظر آئے گا گرفتار تمھیں

اپنے گیسوئے رسا تا بہ کمر جانے دو

سخت جانی سے میں عاری ہوں نہایت ارے تُرک

پڑ گئے ہیں تری شمشیر میں دندانے دو

ہمدمو دیکھو، الجھتی ہے طبیعت ہر بار

پھر یہ کہتے ہیں کہ مرتا ہے تو مر جانے دو

حشر میں پیشِ خدا فیصلہ اس کا ہو گا

زندگی میں مجھے اس گبر کو ترسانے دو

گر محبت ہے تو وہ مجھ سے پھرے گا نہ کبھی

غم نہیں ہے مجھے غمّاز کو بھڑکانے دو

جوشِ بارش ہے ابھی تھمتے ہو کیا اے اشکو

دامنِ کوہ و بیاباں کو تو بھر جانے دو

واعظوں کو نہ کرے منع نصیحت سے کوئی

میں نہ سمجھوں گا کسی طرح سے سمجھانے دو

رنج دیتا ہے جو وہ پاس نہ جاؤ سیّاح

مانو کہنے کو مرے دُور کرو جانے دو

Read More

راجندر ناتھ رہبر

پیار کی آخری پونجی بھی لٹا آیا ہوں

اپنی ہستی کو بھی لگتا ہے مٹا آیا ہوں

عمر بھر کی جو کمائی تھی گنوا آیا ہوں

تیرے خط آج میں گنگا میں بہا آیا ہوں

آگ بہتے ہوئے پانی میں لگا آیا ہوں

تو نے لکھا تھا جلا دوں میں تری تحریریں

تو نے چاہا تھا جلا دوں میں تری تصویریں

سوچ لیں میں نے مگر اور ہی کچھ تدبیریں

تیرے خط آج میں گنگا میں بہا آیا ہوں

آگ بہتے ہوئے پانی میں لگا آیا ہوں

تیرے خوشبو میں بسے خط میں جلاتا کیسے

پیار میں ڈوبے ہوئے خط میں جلاتا کیسے

تیرے ہاتھوں کے لکھے خط میں جلاتا کیسے

تیرے خط آج میں گنگا میں بہا آیا ہوں

آگ بہتے ہوئے پانی میں لگا آیا ہوں

جن کو دنیا کی نگاہوں سے چھپائے رکھا

جن کو اک عمر کلیجے سے لگائے رکھا

دین جن کو جنہیں ایمان بنائے رکھا

جن کا ہر لفظ مجھے یاد ہے پانی کی طرح

یاد تھے مجھ کو جو پیغامِ زبانی کی طرح

مجھ کو پیارے تھے جو انمول نشانی کی طرح

تو نے دنیا کی نگاہوں سے جو بچ کر لکھے

سالہا سال مرے نام برابر لکھے

کبھی دن میں تو کبھی رات کو اٹھ کر لکھے

تیرے رومال ترے خط ترے چھلے بھی گئے

تیری تصویریں ترے شوخ لفافے بھی گئے

ایک یگ ختم ہوا یگ کے فسانے بھی گئے

تیرے خط آج میں گنگا میں بہا آیا ہوں

آگ بہتے ہوئے پانی میں لگا آیا ہوں

کتنا بے چین انہیں لینے کو گنگا جل تھا

جو بھی دھارا تھا انہیں کے لیے وہ بیکل تھا

پیار اپنا بھی تو گنگا کی طرح نرمل تھا

تیرے خط آج میں گنگا میں بہا آیا ہوں

آگ بہتے ہوئے پانی میں لگا آیا ہوں

راجندر ناتھ رہبر

Read More