ثروت حسین

یہ جو پھوٹ بہا ھے دریا پھر نہیں ھو گا 

روئے زمیں پر منظر ایسا پھر نہیں ھو گا

زرد گلاب اور آئینوں کو چاھنے والی 

ایسی دھوپ اور ایسا سویرا پھر نہیں ھو گا

گھائل پنچھی تیرے کُنج میں آن گرا ھے 

اس پنچھی کا دوسرا پھیرا پھر نہیں گا

میں نے خود کو جمع کیا پچیس برس میں 

یہ سامان تو مجھ سے یکجا پھر نہیں ھو گا

شہزادی تیرے ماتھے پر یہ زخم رھے گا 

لیکن اس کو چومنے والا پھر نہیں ھو گا

تاک اندھیرا اور سیارے رہ جائیں گے 

جائے نماز پے میرا سایہ پھر نہیں ھو گا

ثروت تم اپنے لوگوں سے یوں ملتے ھو 

جیسے ان لوگوں سے ملنا پھر نہیں ھو گا

قسم اس آگ اور پانی کی 

موت اچھی ھے بس جوانی کی 

اور بھی ھیں روائیتیں لیکن 

اک روایت ھے خوں فشانی کی 

جسے انجام تم سمجھتی ھو 

ابتدا ھے کسی کہانی کی 

رنج کی ریت ھے کناروں پر 

موج گذری تھی شادمانی کی 

چوم لیں میری انگلیاں ثروت 

اس نے اتنی تو مہربانی کی 

۔۔۔۔۔۔۔

میں حجلہؑ شہناز پہ تاخیر سے پہنچا ۔ !!

یہ زخم مجھے اپنی ھی شمشیر سے پہنچا

کب خامشئِ یار سے پہنچا تھا کوئی رنج 

جو شور مچاتی ھوئی تصویر سے پہنچا

یہ سلسلہؑ عشق جو پہنچا ھے یہاں تک 

عشاق کی لکھی ھوئی تحریر سے پہنچا

میں اپنی شکستوں پہ پریشاں تھا کہ اس دم 

پیغام کوئی بارگہۂ میر سے پہنچا ۔۔۔۔۔۔ !!

ثروت میری تنہائی کا نابینا کبوتر ۔ !!

اُس بام تلک کونسی تدبیر سے پہنچا

میں حجلہؑ شہناز پہ تاخیر سے پہنچا ۔ !!

یہ زخم مجھے اپنی ھی شمشیر سے پہنچا

کب خامشئِ یار سے پہنچا تھا کوئی رنج 

جو شور مچاتی ھوئی تصویر سے پہنچا

یہ سلسلہؑ عشق جو پہنچا ھے یہاں تک 

عشاق کی لکھی ھوئی تحریر سے پہنچا

میں اپنی شکستوں پہ پریشاں تھا کہ اس دم 

پیغام کوئی بارگہۂ میر سے پہنچا ۔۔۔۔۔۔ !!

ثروت میری تنہائی کا نابینا کبوتر ۔ !!

اُس بام تلک کونسی تدبیر سے پہنچا

۔۔۔۔۔۔۔۔۔۔

ورق_ زیست پہ لکھیں گے کہانی اپنی 

نظم_ ہستی کو کسی روز بدل دیکھیں گے

لوٹ کر کوئی جہاں سے نہیں آتا ثروت 

انہی راہوں پہ کسی وقت نکل دیکھیں گے

۔۔۔۔۔۔۔۔۔۔

جب شام ہوئی میں نے قدم گھر سے نکالا 

ڈوبا ھوا خورشید سمندر سے نکالا

۔۔۔۔۔۔۔۔

کسی اجنبی سر زمیں کی طرف 

کنارے کنارے چلے جائیں گے

تو کیا ان اندھیروں مکانوں میں ہم 

یونہی دن گزارے چلے جائیں گے ؟

۔۔۔۔۔۔۔۔۔

میں سو رہا تھا اور مری خواب گاہ میں 

اک اژدہا چراغ کی لو کو نگل گیا !!

۔۔۔۔۔۔۔۔۔

رات ڈھلنے کے بعد کیا ھو گا ؟

دن نکلنے کے بعد کیا ھو گا ؟؟

سوچتا ھوں کہ اس سے بچ نکلوں 

بچ نکلنے کے بعد کیا ھو گا ؟

رقص میں ھو گی ایک پرچھائیں

دیپ جلنے کے بعد کیا ھو گا ؟

۔۔۔۔۔۔۔

بھری رھے یہ گلیاں پھول پرندوں سے 

سجی رھے تاروں سے طاق مرادوں والی

آنکھیں ھیں اور دھول بھرا سناٹا ھے 

کزر گئی ھے عجب سواری یادوں والی

۔۔۔۔۔۔۔۔۔

بجھی روح کی پیاس لیکن سخی

مرے ساتھ میرا بدن بھی تو ہے