منصور آفاق

شبِ وصال پہ لعنت ، شبِ قرار پہ تُف

تيرے خیال پہ تُھو ، تیرے انتظار پہ تُف

وہ پاؤں سو گئےجو بے ارادہ اٹھتے تھے

طواف کوچهء جاناں پہ ، کوئے یار پہ تُف

تجھ ایسے پھول کی خواھش پہ بارھا لعنت

بجائے خون کے رکھتا ھُوں نوکِ خار پہ تُف

دلِ تباہ کو تُجھ سے بڑی شکایت ہے

اے میرے حسنِ نظر ، تیرے اعتبار پہ تُف

پہنچ سکا نہیں اس تک جو میرے زخم کا نور

چراغِ خون پہ تُھو ، سینهء فگار پہ تُف

ھیں برگِ خشک سی شکنیں خزاں بکف بستر

ميرے مکان میں ٹھہری ھُوئی بہار پہ تُف

کسی فریب سے نکلا ہے جا مٹھائی بانٹ

تيرے ملال ، تيری چشم اشکبار پہ تُف

تجھے خبر ہی نہیں ہے کہ مرگیا ھُوں میں

اے میرے دوست، تيرے جیسے غمگسار پہ تُف

یونہی بکھیرتا رھتا ھے دھول آنکھوں میں

ھوائے تیز کے اڑتے ھُوئے غبار پہ تُف

حیات قیمتی ہے خواب کے دریچوں سے

رہِ صلیب پہ لعنت ، فرازِ دار پہ تُف

صدا ھو صوتِ سرافیل تو مزہ بھی ھے

گلے کے بیچ میں اٹکی ھُوئی پکار پہ تُف

ميری گلی میں اندھیرا ھے کتنے برسوں سے

امیرِشہر !! تیرے عہدِ اقتدار پہ تُف

یہی دعا ہے تيرا سانپ پر پاؤن آئے

ہزار ھا تيرے کردارِ داغ دار پہ تُف

کسی بھی اسم سے یہ ٹوٹتا نہیں منصور

فسردگی کے سلگتے ھُوئے حَصار پہ تُف